خواطر / زهره مصطفى انا زعلانه كتير منك يعدى اليوم ولا تقوليش وحشتينى .. !! وهان قلبى على حبك وهنت عليك تسيب الفكر يلاعبنى بنار الشوق مع الوحدة انا زعلانه كتير منك وعارفه انك هترجعلى تصالحنى ... يبكينى عتاب قلبك تغالطنى .. تغلطنى تتوهنى كما عادتك واشوف ف عيونك البسمة مداريها وعلى وشك اشوف ياااااادوب تكشيره مرسومه قساوة وغيره ومحبة يروح الوجع منى كده فى ثانية وبدال ما تيجى تصالحنى انا اصالحك .. يا قسوة قلبك الطيب انا مشتاق ... يا لهفة روحك الحلوة انا عاشقه كلام همسك ولو بعتاب ... مين الغلطان مبيهمش ولا بنسال مين الزعلان بنتصافى ونتلاقى كما الاحباب. . وبرجعلك وكلى حنين وانا الزعلانه من قلبك ماهو بعدك عذاب وانين وقسوة .. وشوق ولهفة تدوب المجروح أمل وحنين .. هنت عليك يعدى اليوم وانا جنبك ولا تشوفنيش ومهانش عليا تفوت ثانيه ومسمعش رنين صوتك انا الزعلانه وجيالك تسامحنى ... وترضينى بقا فى الدنيا فيه منى انا وقلبى وجمال روحى انا الزعلانه كتير منك لكن حبك محببنى كده فى روحى
